 |
 |
 |
 |
 |
 |
Ast seist ik sis neat dan seist wol wat.
By it damjen fan de Stadige Strikers en ek by oare klups Frysk Spul wurdt der faaks gesellich op los praat. De Stadige Strikers dienen yn it ferline wol mei oan in gemeentelik toernoai wêr’t ek dammers Hollânsk Spul oan mei dienen. It ferskil tusken de beide groepen siet him dan foaral yn it lûd wat de dammers fan beide kanten produsearren. De iene groep kletste der gesellich op los, wylst de oaren allinne mar sssst, ssst útbrochten. Wy neamden dêrnei dy groep altiten de fytspompen.De Stadige Strikers hearre fansels net by de kategory fytspompen.
Oars wurdt it fansels as jo begjinne te praten oer in partij dy’t noch dwaande is. Dêr meist fansels neat oer sizze en dat docht men dan ek net. Wol is it sa dat wannear der in spul is dat yn de einfaze sit, der mear belangstelling is fan oaren. Dan ek moatte jo de snappert ticht hâlde. Allinne mar nei sjen en fierder neat.
Moandeitejûn lêstlyn waard der wer moai en sportyf spile. De kompetysjelieder hie de útslaggen yn it foar ek wol opskriuwe kinnen: it nivoferskil wie dizze jûn te grut.
Utslaggen: Bauke Bos – Jelle Wiersma 0 – 1; Ype Boelens – Tineke Teigeler 1 – 0; Cor Kooistra – Kees Castelein 1 – 0; Willem Schaap – Jan Castelein 1 – 0.
Favoriten nimme de kop by Frysk damjen
Skearnegoutum – Yn ‘e earste twa omlopen fan it persoanlik kampioenkip yn it Frysk damjen lieten de wichtichste gadingmakkers gjin stekken falle. Marten Walinga en Jelle Wiersma, dy lêste no ek al wer in moai tal jierren de sterkste dammer yn it Fryske spul, wûnen sneon beide partijen. Wol ferrassend wie dat Taeke Kooistra, yn syn wat jongere jierren rekordhâlder yn it tal kampioenskippen, no al oan it ôfheakjen is. Syn rol fan outsider liket oernaam te wurden troch Henk Haanstra, al moast dy tsjin syn Aldegeaster doarpsgenoat Siebe Walinga wol in kampspul tastean. De Gastmarder Pieter Hoogterp moat likegoed ek yn ‘e gaten holden wurde. Hy wûn knap fan Kooistra, en hat syn partij tsjin Wiersma al hân.
Jelle Wiersma makke dus gjin flaters, net tsjin Pieter Hoogterp en net tsjin Willem Schaap. Hoogterp liet him ferrasse troch in dochs frij simpel slachje, en Schaap koe yn in stân fan 4 tsjin 4 in fijanlike trochbraak net tefoaren komme. Marten Walinga wie sterk yn ‘e kombinaasje. Dy tsjin broer Siebe wie spektakulêr. Nei ôfrin hold dy mar ien hout mear oer, en doe wie it spul beslikke. Bernard Kroon hie it dreech. De Blauhúster docht foar it earst yn ‘e kampioensklasse mei, en it bliek dat dat noch wennen wie. Tsjin Marten Walinga waard er yn it einspul slachtoffer fan in strategyske kombinaasje, en tsjin Henk Haanstra gong it op soartgelikense wize mis.Yn ‘e twadde acht is Willem Hoekstra de grutte ferrassing. De promovendus wûn beide partijen, tsjin Cor Kooistra en Liuwe Westra. De degradanten Folkert Groenveld en Hein de Vries lieten lykwols sjen dat sy ek graach wer omheech wolle. Har efterstân is mar in heal punt.Yn ‘e tredde acht is it minne nijs dat der op it lêste stuit twa dielnimmers har weromlûke moasten. It goede nijs is lykwols dat der dochs noch twa ferfangers fûn wurde koene. Dy hiene lykwols op ‘e earste dei fan it kampioenskip oare ôfspraken, dat dizze klasse hat no al te lijen mei in grut tal ynhelwedstriden.
Utslaggen en tuskenstannen
Kampioensklasse, earste omloop: Pieter Hoogterp (De Gastmar) – Jelle Wiersma (Wommels) 0-1, Willem Schaap (Jirnsum) – Taeke Kooistra (Hartwert) 0,5-0,5, Siebe Walinga (Aldegea-SWF) – Henk Haanstra (Aldegea-SWF) 0,5-0,5, Bernard Kroon (Blauhús) – Marten Walinga (Waaksens) 0-1; twadde omloop: Wiersma – Schaap 1-0, Kooistra – Hoogterp 0-1, Haanstra – Kroon 1-0, M. Walinga – S. Walinga 1-0.Stân: M. Walinga en Wiersma 2; Haanstra 1,5; Hoogterp 1; Kooistra, Schaap en S. Walinga 0,5; Kroon 0.
Twadde acht, earste omloop: Tsjerk Wijbenga (Arum) – Hein de Vries (Ljouwert) 0-1, Fedde Wiersma (Easterein) – Folkert Groenveld (Jutryp) 0-1, Willem Hoekstra (Aldegea-SWF) – Cor Kooistra (Nijlân) 1-0, Siebren Dyk (Jorwert) – Liuwe Westra (Lollum) ústeld; twadde omloop: De Vries – Wiersma 0,5-0,5, Groenveld – Wijbenga 0,5-0,5, Kooistra – Dyk 1-0, Westra – Hoekstra 0-1.Stân: Hoekstra 2-2; Groenveld en De Vries 2-1,5; Kooistra 2-1; Wiersma en Wijbenga 2-0,5; Dyk en Westra 1-0.
Tredde acht, earste omloop: Rein Jan Walinga (Aldegea-SWF) – Jurjen Frankena (Blauhús) 0,5-0,5, Sjouke Attema (De Gastmar) – Anne de Boer (Wommels) útsteld, Piet Sikma (Hartwert) – Sietze de Jong (Aldegea-SWF) útsteld, Niek Tolsma (Lollum) – Hidde de Vries (Langsweagen) 0-1; twadde omloop: Frankena – Attema 1-0, De Boer – Walinga útsteld, De Jong – Tolsma útsteld, De Vries – Sikma 1-0.Stân: De Vries 2-2; Frankena 2-1,5; Walinga 1-0,5; De Boer en De Jong 0-0; Attema, Sikma en Tolsma 1-0.
Rubryk 30-1-2026
Damklup ‘De Rûge Wolf’ fan Lollum mocht okkersneons de kampioenstsjelke heechhâlde. It klupkampioenskip foel harren foar de twadde kear ta. It wie wikkerdewik as de Aldegeaster promovendus Nocht&Kriich wie it wurden. Sy pakten de kampioen yn de lêste omloop noch, mei winst oan alle fiif de boppeste buorden. De Lollumers hienen lykswols de punten op de trije leechste buorden. Soks brocht noch wol wat neipraat fansels. Te mear dat it Lollumer achttal by elkoar swile is mei dammers om utens en gastspilers.
Sy benammen ek soargen foar de oerwinningen op Hartwert en Skearnegoutum. De ôfgeand kampioen degradearre nei ûnder mear in dik pak foar de broek fan de Lollumers. Bûnsfoarsitter en treddeboerdspiler fan Lollum Liuwe Westra tekene yn de twadde omloop syn puntsje by tsjin Skearnegoutumer Dicky van der Meer.
L.Westra – D.v.d.Meer, Easterein, 16.1.2026, Lollum-Skearnegoutum
1.32-27 19-24 2.33-29 24×33 3.34×32 Wyt wykt ôf fan de fêste paden en 3. ..20-25 4.39-34 17-21 5.27-22 21×23 hie it dreech krigen nei 4. ..18-23! en bygelyks 5.27-21 17×26 6.32-27 26×28 7.38×29 as 5.43-39 12-18!. No wurdt der ôfruile nei in lykweardige posysje. 6.34-30 25×34 7.44×22 18×27 8.32×21 .11.37-31 14-20 12.31-26 7-11 13.41-37 20-25 14.37-31 13-19 15.46-41 9-14
De spilers bouwe op yn de lange hoeke.16.41-37 19-24 17.37-32 14-20 18.43-38 10-14 19.42-37 5-10 19. ..2-7 is better. 20.27-21 16×27 21.32×21 11-17 22.21×12 8×17 23.38-32 14-19?
Mei 23. ..6-11 hie swart der noch wol út kommen. Wyt slacht no ta.
24.26-21! 17×46 25.32-28 46×23 26.40-34 23×40 27.45×52 5×45 28.5×46 Mei de neislach is wyt mei de daam ien hout efter en sil nei de winst strike.
T.Kooistra-M.Walinga, Easterein, 16.1.2026, Hartwert-Lollum
Earste-boerd-spilers Taeke Kooistra en Marten Walinga hienen ek gau dien.1.32-27 20-25 2.27-22 12×32 3.38×27 19-23 4.31-26 14-19 5.33-29 17-21 6.26×17 11×31 7.36×27 7-12 8.37-32 19-24 9.29×20 25×14 10.43-38 12-17Fansels kinne dizze matsjedoaren de iepeningstéory. 10.42-37 is ek goed spylber. 11.27×7 2×11 12.49-43 18-22 13.32×12 8×17 14.38-32 17-21 15.39-33 21-26 16.32-28 23×32 17.33×31 26×37 18.42×31 13-18 19.43-38 16-21 20.31-26 14-19 21.26×17 18×16 En beide spilers hawwe it hout wer moai te plak. 22.38-32 11-17 23.34-29 19×39 24.44×33 15-20 25.40-34 20-24 26.34×14 10×19 27.48-43 19-24 28.43-39 9-14 29.45-40 16-21 30.39-34 24×44 31.40×49 6-11 32.35-30 14-19? Swart sil drege farianten trochrekkene ha. Mar oersjocht hjir in ienfâldige kombinaasje.
33.30-24! 19×30 34.33-29 30×37 35.47×27 Swart strykt noch efkes, mar it is gau dien. Lokkich foar Walinga wienen der Lollumers oan de oare buorden. Soks is moarn oars by de earste twa omlopen fan it Frysk kampioenskip. Dy binne te Skearnegoutum, thúshaven fan Jelle Wiersma dy’t acht kear (!) op in rige kampioen wurden is. As kin rekôrkampioen Taeke Kooistra nochris flamme? Misskyn kin wrâldkampioen Marten Walinga nei 25 jier einliks syn twadde Fryske titel pakke. De primeur is Bernard Kroon as earste Blauhúster yn de Kampioensklasse, doel hanthavenje.
Nû.17 sw. 4, 6, 8-11, 13, 14, 16, 25 wyt 26-30, 36, 40, 42, 44, 49
Nû.18 sw. 4, 5, 9, 10, 13, 16, 21, 26 wyt 15, 18, 25, 28, 30, 41, 44, 49
En twa nijen fan Stellinga-Baron
Nû.19 sw. 6, 7, 10, 13, 15, 19, 25, 29, 30 wyt 17, 21, 27, 28, 36, 38, 39, 42, 44
Nû.20 sw. 6-10, 15, 17, 18, 24 wyt 16, 31-33, 35, 36, 39, 42, 45
Oplossingen stjoere foar 13 febrewaris.
Folkert Groenveld
Riperwei 6
8623 XH Jutryp
groenveldf@hotmail.com
Dit wurdt neat mear, ik jou de hân.
Dy hân wie net in teken of in tajaan fan it ferlies. Nee dy hân fan Jan Castelein betsjutte: it is kamp lokwinske der mei. It is altiten wat sneu as jo sels in houtsje mear hawwe as jo tsjinstanner en dan dochs konkludearje moatte, dat der gjin salve mear oan te striken falt. Sa kaam der in ein oan in boeiende partij tusken Tineke Teigeler en Jan Castelein. Sy wienen wol dejingen dy’t de langste partij fan de jûn spilen.
De oare twa spullen wienen binnen de koartste kearen bekeken. Nim it spul
tusken Dicky van der Meer en Jelle Wiersma. Dat wie al út foar’t se goed en wol út ein gienen. Teminsten sa like it wol. Der waard aardich flot strutsen en doe wie it ek heel flot út. Jelle liet wer even sjen dat er de teory fan it spul ta it uterste behearsket. It wie foar de mannen it earste spul dizze kompetysje. It twadde spul woenen se dan ek fuortendaliks mar spylje. Sa waarden de houtsjes op ‘e nij opsetten. No dat gyng folle better. Der kaam in nijsgjirrige stân op it boerd. Healwei it spul like der noch net safolle fan te sizzen. Men seit dan yn de taal fan de dammers: Oan de ein fan de fûke fangt men de fisk. De fanger lústere nei deselde namme as de winner fan it earste spul.
In oar spul dat hiel rap besljochte wie, wie de partij tusken Cor Kooistra en Bauke Bos. Bauke spile mei wyt. Hy seach yn de earste set fan swart al dat it oars wie as dat er wend wie. Bauke wist der net rjocht rie mei en die fuortendaliks al in ferkeardenien. It soe foar Kooistra in makje wurde en nei noch wat spinpoatsjen fan Bauke sei dy: Ik kin no ek wol ophâlde want ik stean twa houtsjes efter. Dêr hie er ek gelyk oan.
Utslaggen: Jan Castelein – Tineke Teigeler 0,5 – 0,5; Dicky vd Meer – Jelle
Wiersma 0 – 1; Bauke Bos – Cor Kooistra 0 – 1; Jelle Wiersma – Dicky vd Meer 1 – 0.
Ut as poep-kak
Dizze moandei wiene der wer seis dammers en frij gau wie al dúdlik wa’t winne soene. Uteraard waard der earst noch stil stien by ús degradaasje by de klupkampioenskippen fan ôfrûne sneon. Winst en ferlies stean soms ticht by mekoar. Och, ha we it oare jier wer kâns op promoasje! Tineke
Teigeler makke tsjin de foarsitter gelyk yn de iepening in foutsje, wêrnei Cor Kooistra ien foar kaam en it spul gau út wie. Hjirnei waarden noch ferskate spultsjes spile, want, sa sei ús foarsitter: we binne hjir om wat te learen, wêrnei de ponghâlder sei: dat mei ek wol nei ôfrûne sneon! Dizze
ponghâlder, Ype Boelens, hoechde yn syn spul tsjin Bauke Bos niks te learen want nei in ferkearde set fan Bauke seach er gelyk dat er foar komme koe en doe wie der gjin salve mear oant te striken foar ús skriuwer. Sjoerd Jan Bakker die it ek net goed tsjin Willem Schaap en it spul wie, as lêste fan de
trije spullen, sa út as poep-kak, in bekende útdrukking fan Bakker, wat ek wer fan tapassing wie op dit spul.
Utslaggen: Cor Kooistra – Tineke Teigeler 1-0; Ype Boelens – Bauke Bos 1-0; Sjoerd Ja n Bakker – Willem Schaap 0-1
Lollum klupkampioen Frysk damjen
Easterein – Dat de krêftsferskillen tusken de klups yn it Frysk damjen mar hiel lyts binne, waard sneon yn seal Bergsma yn Easterein op ‘en nij oantoand. It iene jier seit it oare yn dy tinksport net. Waarden De Stadige Strikers ferline jier noch as kampioen huldige, no moasten de Skearnegoutumers nei ôfrin nota bene as degradant wer op hûs oan. It wie dit jier it achttal fan De Rûge Wolf út Lollum dat mei tsjelke en blommen it feest yn gean koe.
De Lollumers leine de basis foar harren einoerwinning al yn ‘e earste omloop. Mei 5-3 waard doe it altyd deeglike Hartwert ferslein. Dêrmei kamen se fuortendaliks al allinnich oan kop, want Skearnegoutum en Aldegea (SWF) dielden de punten. It koe yn dit kampioenskip dus noch alle kanten út.Dat de klups hiel ticht byelkoar sieten, lieten de útslaggen ek sjen. Trije kear koe it hiele lytse ferskil 5-3 notearre wurde, en twa kear sels it lykspul fan 4-4. Mar ien kear wie der in klapper. Yn ‘e twadde omloop sljochte Lollum it Skearnegoutumer bolwurk mei mar leafst 6,5-1,5. Foar Skearnegoutum wie dat in dreun dêr’t de ploech net mear oerhinne komme soe. De lêste omloop tsjin Hartwert soe ek ferlearn gean, ek al wie de útslach fan 3-5 dan wol wat draagliker.Foar de Lollumers hie dy meunsteroerwinning it oangename foardiel dat se tagelyk yn ien klap ek in hiel soad buordpunten byinoar skarrelen. En noch moaier, de konkurrinsje, no yn ‘e foarm fan Aldegea en Hartwert, hold inoar yn dy twadde omloop al wer mei 4-4 yn it lykwicht, en ferskiet sa op ‘en nij in heal wedstriidpunt. Dêr hie Lollum op dat stuit al twa fan, en dy oare beiden mar ien.It kampioenskip koe Lollum yn ‘e lêste omloop dus eins al net mear ûntgean. Mar in triomftocht waard it ek net. Dêr struts Aldegea mei in kreaze oerwinning fan 5-3 in skoatteltsje foar. It betsjutte foar de promovendus in knap twadde plak, mei mar oardel buordpunt minder as de úteinlike kampioen.It is de lêste jierren tradysje dat Blauhús wat hinne en wer pendelet tusken de kampioensklasse en de twadde klasse. No mochten de mannen wer omheech, ek al wie de oerwinning op Jorwert mar minimaal. Troch de ploegen ûnderyn redusearjen nei 6 spilers koe der dit jier wer in folweardige tredde klasse foarme wurde. Dy waard alhiel neffens ferwachting wûn troch de twadde ploech fan Hartwert.
Utslaggen en einstannen
Kampioensklasse: Skearnegoutum – Aldegea 4-4, Hartwert – Lollum 3-5; Lollum – Skearnegoutum 6,5-1,5, Aldegea – Hartwert 4-4; Hartwert – Skearnegoutum 5-3, Aldegea – Lollum 5-3.Einstân (mei tusken heakjes de buordpunten): 1. Lollum 2 (14,5); 2. Aldegea 2 (13); 3. Hartwert 1,5 (12); 4. Skearnegoutum 0,5 (8,5).
Twadde klasse: Blauhús – Jorwert 3,5-2,5, De Gaastmar – Aldegea II 4-2; Aldegea II – Blauhús 1-5, Jorwert – De Gaastmar 4-2; De Gaastmar – Blauhús 2,5-3,5, Jorwert – Aldegea II 4,5-1,5.Einstân: 1. Blauhús 3 (12); 2. Jorwert 2 (11); 3. De Gaastmar 1 (8,5); 4. Aldegea II 0 (4,5).
Tredde klasse: Hartwert II – DFS-tiim 5-1, Lollum II – Blauhús II 2,5-3,5; Blauhús II – Hartwert II 2-4, DFS-tiim – Lollum II 0,5-5,5; Lollum II – Hartwert II 2-4, DFS-tiim – Blauhús II 2-4.Einstân: 1. Hartwert II 3 (13); 2. Blauhús II 2 (9,5); 3. Lollum 1 (10); 4. DFS-tiim 0 (3,5).
Rubryk 16-1-2026
Moarn wurde te Easterein de Klupkampioenskippen ferspile. Rekôrkampioen Hartwert sil it opnimme tsjin titelhâlder ‘De Stadige Strikers’ fan Skearnegoutum, ‘De Rûge Wolf’ fan Lollum en promovendus ’Nocht&Kriich’ út Aldegea-SWF. Alle klups binne oan elkoar weage. Soks wie yn de jierren ’60 ’70 en ‘80 wol oars doe’t earst Hartwert, letter Wurdum en wer Hartwert der fier út rûnen. Oare damdoarpen wienen yn de breedte net sterk genôch. Lykas O.K.K. út Jorwert as it Gaastmarder ‘Stryk Op’. Al slagge it O.K.K. yn 1988 dochs ien kear klupkampioen te wurden. Twa fan de foaroanmannen fan dizze twa klups troffen elkoar by it PK fan 1965.
Yde v.d. Kooy – Augustinus v.d. Goot PK 1965, 7-e rûnte, Ljouwert, 20.2.1965
1.32-27 20-25 2.27-22 12×32 3.38×27 14-20 4.31-26 10-14 5.37-31 17×37 Fansels net 6. ..16-21 en 7.31-27 18-22 etc. jout mear spul. 6.41×32 5-10 7.32-27 18-22 8.27×18 19×17 9.31-27 17×37 10.42×31 11-17 11.33-29 13-19 12.29-23 19×28 Nei 11. ..13-18! 12.29-24 25×23 (ferpl.) 13.34-30 (driget 30-35) 6-11! 14.26×6 17-21! 15.6×28 21×41 16.46×37 20-24 17.30×19 14×41 18.36-31 41×21 en lyk. No folget de oergong nei posysjoneel striken yn it middenspul. 13.34-30 25×34 14.35×11 1×41 15.46×37 20-25 16.39-34 14-19 17.37-31 10-14 18.40-35 19-24 19.43-39 14-20 20.34×14 4×24 21.39-34 24-30 22.35×24 20×40 23.45×34 9-14 24.50-45 8-13 Wyt stiet wat sterker oan de rjochterkant. 25.44-40 14-20 26.49-44 3-8 27.48-43 13-19 28.43-38 19-24 29.34×14 20×9 30.40-35 7-12 Swart driget mei it heakje troch 6-11. 31.47-41 12-17 32.38-32 9-13
Dit is it brekpunt fan de partij. 33.41-37 wie de set foar wyt mei bygelyks 33. ..2-7 34.31-27 13-18 35.37-31 17×28 36.26-21 16×27 37.31×11 6×17 38.44-40 as 33. ..13-18 34.32-28 18×38 35.37×39 34.31-27? 17-21! 35.26×19 25-30! (dat earst) 36.35×24 16-21 37.27×16 6×46 (de swarte daam stiet wol fêst) 38.44-40 8-13 39.19×8 2×13 40.40-34 13-18 41.24-19 etc. wurdt noch kamp. Swart hellet in daam nei de wite misser: 33.44-40? 16-21! 34.31×22 15-20! 35.35×24 13-18 36.22×13 8×50 37.26-21 2-8? Hjir hie 50-39 moatten om de daam frij te spyljen.
No 38.36-31 en der folget (ek op 8-12) 39.21-17! 50×11 40.41-37 11×41 41.37×46 mei winst foar wyt. 38.32-27(driget noch mei 21-17 en 27-21, mar dat wurdt keard.) 38. ..8-12 Wyt spinpoatet noch wat, mar swart pakt troch 39.36-31 50-33 40.31-26 33-47 41.41-37 47-29 42.21-16 12-17 43.16×18 29×1 44.27-22 6-11 45.37-31 11-17 46.22×11 1×41 47.45-40 41-28 Mei de winst foar Stinus van der Goot dy’t sa nei de Kampioensklasse promovearre. En dêr grutte furore meitsje soe mei tolve titels. Lange tiid hie hy dat rekôr oant Hartwerter Taeke Kooistra him ynhelle.
Twa problemen fan Lollumer dammers: gastspiler Ties Slagter út Den Bosch en wrâldkampioen Marten Walinga
Nû.17 sw. 4, 6, 8-11, 13, 14, 16, 25 wyt 26-30, 36, 40, 42, 44, 49
Nû.18 sw. 4, 5, 9, 10, 13, 16, 21, 26 wyt 15, 18, 25, 28, 30, 41, 44, 49
Oplossingen noch net stjoere.
Folkert Groenveld
Riperwei 6
8623 XH Jutryp
groenveldf@hotmail.com
De kosmische klapper mocht net komme
Dizze jûn wiene der mar seis dammers mar de gesellichheid wie der net minder om. It begûn al nuver trochdat ien fan de buorden net goed del setten wie en sadwaande krigen Jelle Wiersma en Willem Schaap it idee om in oefenpotsje te spyljen wylst de lange hoeke oan de rjochterkant fan it boerd wie en dit foel noch net mei.
Dan it echte damjen. It spul tusken Tineke Teigeler en Ype Boelens wie gau
út. Tineke makke in foutsje nei de iepeningen dat waard troch Ype fuort ôfstraft. Willem Schaap spile tsjin Jelle Wiersma en woe in kosmische klapper helje, sa sei er sels, troch te prebearjen om der yn de iepening in moai stantsje op te krijen en dus op in spesjale manier te iepenjen. Spitich foar Willem mislearre dit en rekke hy twa houtsjes achter. Nei in spul, wat ek wol like op in Hollânsk spul wûn Jelle der partij neidat it noch in moaie partij waard.
De dammers dy’t it langste wurk hiene wiene Bauke Bos en Sjoerd Jan Bakker. It kantsjespul gie moai lykop en yn in stân fan trije tsjin trije, wêrby it like dat Bauke de bêste winstpapieren hie, die Bauke it net goed, sadat Sjoerd Jan ôfruilje koe en Bauke in hout offerje moast. De hearen krigen beide in daam mar dochs gie de winst nei de Bakker en net it Bosk yn.
Utslaggen:
Ype Boelens – Tineke Teigeler 1-1; Willem Schaap – Jelle Wiersma 0-1; Bauke Bos – Sjoerd Jan Bakker 0-1
In nij begjin, mar hoe ’t it ferrinne of eindigje sil…
Hartwert. It âlde jier is ôfrûn, 2026 tsjinnet him oan lykas in nije dampartij: do witst hoe’t it begjint, mar net hoe’t it ferrinne of eindigje sil. In dammer wol net deselde flaters meitsje en graach mei goede foarnimmens begjinne (om der dêrnei efter te kommen dat dit net sa maklik fol te hâlden is). Dat kin tradysjegetrou yn Hartwert dêr’t it earste damtoernoai Frysk Spul fan it jier organisearre wurdt troch de pleatslike damklup.
By it Fryske Spul hat men in soad mooglike iepeningssetten, mei elk har eigen karakter. Elke iepeningsset seit wat oer de spiler dy’t him ferrjochtet. Je binne in klassike spiler, as giest graach tsjin de stream yn? Hâldst fan wissichheid as biist op syk nei oarloch op it boerd? As bin je in romantikus? Hâldst mear fan gokken en giest foar kompleksiteit? Al dizze karakters wiene dizze dei wol oanwêzich op dizze prachtige damdei yn Hartwert.
De A-klasse, bestie út twa groepkes. Groep 1 hie as grutte winner de Ljouwerter Hein de Vries, hy wûn al syn partijen. Der efter folgen trije man mei elke ien winstpartij. Yn groep 2 liet Cor Kooistra sjen dat hy noch wol damje kin. De man út Nylân hie de moarns tsjin de frou sein dat der gjin party winne soe. Oars die bliken, miskien wat gelokkich yn de earste twa partijen, mar de lêste partij makke hy prachtich út. Hy liet syn tsjinstanner mei in berekkene lêste set, smoare yn de koarte hoeke. Syn broer Taeke waard twadde.
De spilers yn de B-klasse wiene oaninoar weage. De trije klupleden Fedde, Klaas en Germ gunden inoar allegear in winstpartij en dêrmei dielden se de earste priis mei-inoar. De mannen sille wol tinke, we moatte noch de hiele winter mei elkoar op de klup. Yn de C-klasse liet Anne de Boer fan him hearre. De boer yn rêst ferdjippet him goed yn it damjen en pakt de lêste tiid faak in priiske op toernoaien. Ek no wie er op dreef en wûn er al syn trije partijen, wêrby’t de winst op de normaal op heger nivo spyljend Sjoerd Kooistra ferrassend neamd wurde mocht. Dy waard úteinlik twadde.
In slagge damdei yn Hartwert mei prachtige partijen. De priiswinners wûnen in amer fol itenswaren. De ferliezers giene ek net mei lege hannen nei hûs. Elkenien krige in pûdsje Fryske dúmkes.
Folsleine útslach:
A-klasse groep 1: 1. Hein de Vries (3p), 2. Tjerk Wijbenga, Dicky van der Meer, Liuwe Westra (1p). A-klasse groep 2: 1. Cor Kooistra (3p), 2. Taeke Kooistra (2p). B-klasse: 1. Fedde Wiersma, Klaas Abma, Germ Bruinsma (1p). C-klasse: 1. Anne de Boer (3p), 2. Sjoerd Kooistra (2p).
Rubryk 2-1-2026
Yn de earste rubryk fan it nije jier sjogge we werom nei in partij út it Frysk kampioenskip fan 1960. Regearjend kampioen Dirk H. de Vries naam it yn de fiifde omloop op tsjin Willem Bakker. Dy hie de titel ek al mear as ien kear wûn. De twa matsjedoaren makken der in moai spul fan mei wikseljende kânsen.
D.H. de Vries – W. Bakker 1.2.1960, 5-e omloop PK te Ljouwert
1.32-27 20-25 2.27-22 12×32 3.38×27 14-20 4.31-26 10-14 4.38-32 is in moaie set. 5.37-31 17×37 6.41×32 20-24 De ôfruil troch 6. …16-21 7.26×17 7×29 8.34×12 8×17 9.35-30 25×34 10.34×8 3×12 liket wat minder goed. 6. ..5-10 as 18-22 binne better spylber. 7.34-30 25×34 8.40×20 14×25 9. ..11-17 10.33-29 17×37 11.47×27 wurdt dreech spul foar beiden. 9.32-27 25-30 10.35×24 19×30 De ôfruil troch 11.33-29 kin ek. 11.42-38 11-17 12.45-40 17×37 13.40×20 15×24 14.31×42 24-30 15.42-37 7-11 16.37-31 11-17 17.37-32 mei de driging 36-31 17.47-42 1-7 18.42-37 7-12 19.37-32 4-10 20.32-27 17×37 21.31×42 10-15 22.42-37 15-20 23.37-31 12-17? Der drige 26-21, 16×27, 31×22, 12×34 etc. en 23. ..20-25 as 30-35 hie moatten.
Wyt kin taslaan en spilet 24.31-27 17×37 25.26-21 6×27 mar nimt hjir de ferkearde kar. 26.39-34! 37×28 27.34×21 as 26. …30×28 27.38-32 27×38 28.43×25 en wyt wint de swarte skiif op fjild 37. 26.33-28? 27×29 27.39×17 37×39 28.43×12 2×11 En der in daalk in lykweardich einspul begjinne. 29.48-42 9-14 30.42-37 5-10 31.44-40 10-15 32.40-34 8-12 33.50-45 11-16 It is skowen om de goede posysje. 34.49-43 14-20 35.43-38 12-17 36.36-31 17-21 37.31×11 16×7 38.46-41 7-12 39.41-36 12-17 40.34-30 20×4040.36-31 as 38-32 is better, lykas 42. …7-21 41.45×34 15-20 42.38-33 3-9 43.33-28 9-13
It is kamp nei 44.36-31 17-21 45.31×11 6×17 46.34-29 20-25 47.37-31 25-30 48.28-22 as 31-26 44.37-31? 17-21 En wyt komt daalk oan en moat in hout jaan. 45.31×11 6×17 46.36-31 13-19 47.31-26 20-25 48.28-22 17×28 Beide spilers kinne op de daam komme.49.26-21 28-32 50.21-17 32-37 51.17-11 37-41 52.11-7 19-23 52. ..47-41 53.7-2 (ferpl.) 47-15 54.2×30 15-33! 55.34×32 25×34 wint swart. 53.7-2 41-461 54.2-111 46 -412 En wyt hat in kâns op kamp.
55. …11-392 56.41-473 39-433 En swart moat no mei in skiif strike, bgl.57.23-28 34-30 58.25×34 43×26. 55.11-50 41-46 56.50-6 46-41 57.34-30 25×34 58.6-50 41-46 59.50-45 34-39 60.45×12 39-43 Swart strykt nei de twadde daam mei winst. De âlde master Sjoerd Tigchelaar soe yn 1960 wer kampioen wurde.
De problemen fan Stellinga-Baron
Nû.13 sw. 11-14, 16, 20, 21, 23, 36 wyt 25, 32-34, 38, 42, 44, 47, 50
Nû.14 sw.10, 11, 13, 16, 17,19,21,26, 27 wyt 33-37, 44, 46, 48, 49
Nû.15 sw. 8, 12, 14, 17, 19, 20,23,24, 26 wyt 21, 25, 32, 35, 37, 42, 43, 45, 49
Nû.16 sw. 6, 7, 10, 13, 15, 19, 25, 29, 30 wyt 17, 21, 27, 28, 36, 38, 39, 42, 44
Oplossingen stjoere foar 16 jannewaris.
Folkert Groenveld
Riperwei 6
8623 XH Jutryp
groenveldf@hotmail.com
