Rubryk 16-10-2026

Rubryk 16-10-2026

In iuw en langer lyn wienen de measte dammers Frysk Spul te finen yn de Bouhoeke. Dêr wienen ek in protte klups as Aldebiltsyl, Tsjummearum, Doanjum, Marrum, Minnertsgea, Menaam, Ferwert, Sint Anne, Rie, Hallum en Sint Jabik. It damjen hat him ferlein en om Snits en Boalsert hinne is it no te rêden. Okkerdeis oerlange Hein de Vries my in nijsgjirrich stapeltsje. Yn it winterskoft ’83-’84 hawwe syn omke Willem de Vries en Feike Vogel, beiden fan Minnertsgea, tritich kear ûnderling damd en ek alles opskreaun. De klup, om 1950 hinne de sterkste fan Fryslân, wie opdûkt en de twa matsjedoaren praten dan mar tegearre ôf.  De Vries waard twa kear Frysk kampioen (yn 1952 en 1954) en ek Vogel wie in topper.  

F.Vogel – W.H.de Vries,     Minnertsgea, 6 jannewaris 1984 

1.31-26 20-25 2.37-31 14-20 3.32-27 17×37 4.41×32 11-17 5.47-41 19-24 Dit is de Bildtse iepening, tapaslik foar de streek en dy jierren.  6.34×14 10×19 No kin ek 7.40-34 as de ôfruil mei 35-30 7.32-27 17×37 8.41×32 12-17 9.33-28 7-11 Op 9. …7-12 folget wyt mei 32-27 en 28-22. Dan stiet de ‘rún’, skiif 47, wer op stâl. 10.39-34 16-21! Swart set in hout op slach, in ûnderstreek, mar de âld-kampioen kin dit spul út de pen. 

11.35-30 kin net, want wyt komt letter mei 17-21, likemin as tichstrike 11.46-41? 19-23 12.28×19 13×24 13.34×14 15×13! 14.35×24 18-23 15.24×22 17×46 16.26×17 46×7   11.34-30 25×34 12.35×33 21×41 13.36×47 17-21 14.26×17 18×16 15.44-39 16-21 16.46-41 11-16 17.41-37 20-25 18.40-35 19-23 19.28×19 13×24 Swart hat de kanten beset en wyt stiet mear oer de midden. 20.50-44 24-30 21.35×24 25×23 22.33×13 8×19 23.44-40 19-24 24.40-35 9-14 25.39-34 24×44 26.49×40 1-7 27.40-34 21-26 28.34-30 16-21 De oanfal 28. …26-31 29.37×26 16×36 keart wyt mei 30.42-37 en dan 37-31. 28. …7-11 is skerper. 29.43-39 7-11 Swart stiet de trije-om-trije ôfruil ta en hie dat mei 14-19 keard. 30.30-24! 14×41 31.47×27 11-1632.32-28 15-20 33.35-30 20×40 34.45×34 5-10 

Sa as faker komt it der op oan mei elk seis as fiif skiven. Vogel liket minder te stean, mar dat falt ta en hie mei 35.48-43 goed partij jaan kinnen. Hy nimt no in pear kear de ferkearde kar en dêr wit De Vries wol rie mei. 35.48-42? 10-14 36.34-29 3-8 Wyt hie better 36.34-30 37.37-32 8-12 De ôfruil 38.27-21 is keard. 38.27-22 14-19 39.29×9 4×13 40.38-33 16-21 41.28-23 13-19 42.23×14 21×41 43.14-10 12-18 Wyt sil noch in daam helje, mar dan is it ek gau út. 44.32-27 41-46 45.10-5 18-22 46.5×1 22×31 47.1×41  

De problemen út 1947 binne fan Ulbe Hamersma út Tsjummearum. 

Nû.5 sw. 2, 4, 6-10, 13, 17-20   wyt 27, 29, 31, 33, 36, 37, 39, 43, 46-48, 50  

Nû.5 sw. 7, 9, 12, 16, 19, 24, 26, 29, 30  wyt 32, 33, 36, 38, 41, 44, 46, 48 

Oplossingen noch net stjoere.