Spannend oant de lêste partij

Spannend oant de lêste partij

Troch Bauke Bos

Ofrûne moandei wie it wer tiid foar de jierlikse ûnderlinge striid fan de Stadige Strikers tsjin Nocht en Kriich út Aldegea. Dit jier wiene we wer útnoege yn harren thúshonk, It Joo. Inkelde Strikers wiene rom op tiid en joegen har efkes noflik del yn it sithoekje yn de romte wêr’t wy damje soene en sa stadich oan rûgelden de dammers nei binnen. Nei in wurd fan wolkom troch de foarsitter fan Nocht en Kriich, Rein Jan Walinga krige elts in plakje tawiisd en koe de striid oan gean.

De earste partij waard wûn troch Stadige Striker Ype Boelens, mar al gau krige Aldegea ek harren earste punt en bleau it spannend oant it lêste sppul. Ek einigen der twa spullen yn remise of kamp, krekt hoe’t men
it nimme wol. Doe’t der noch twa dammers dwaande wiene, wie de stân 4-3 foar Aldegea, dus it koe noch lyk wurde. Dochs lutsen de Stadige Strikers oan it koartste ein en sa waard it 5-3 foar Aldegea en koe ús foarsitter de beker en de lokwinsken oerhandigje oan Aldegea.

Utslaggen. Siebe Walinga – Jelle Wiersma; 0 – 1. Pieter Hoogterp – Dicky van der Meer; 1 – 0. Willem Hoekstra – Willem Schaap 1 – 0; Folkert Groenveld – Cor Kooistra 1 – 0; Rein Jan walinga – Sjoerd Jan Bakker 0,5 – 0,5; Sietse de Jong – Bauke Dykstra 1 – 0; Gosse de Vries – Ype Boelens 0 – 1; Jolke Groenveld – Bauke Bos 0,5 – 0,5.