 |
 |
 |
 |
 |
 |
Rubryk 3-1-2025
Yn Wageningen wurdt de twakamp om de wrâldtitel ‘oerhoeks’ ferspile tusken Anikeev en útdager Groenendijk. Te Harns wie fan it simmer de striid om de wrâldtitel ‘oer alles’. Sechtsjin dammers hienen harren pleatst en doe moasten de heechste fjouwer noch yn in dûbeld rûn toernooi útmeitsje wa’t winne soe: foar de tredde kear waard it Marten Walinga. Mei elkoar 68 partijen en hjirfan mar alve kear kamp, wylts it yn Wageningen oars net as kamp is. Wis dat yn it Frysk Spul de remise-kâns folle leger is. Mar wis dat ek de toppers flaters meitsje en kânsen lizze litte, dy’t Anikeev as Groenendijk net oerkomme soe. Blykt ek út de partij tusken de lettere kampioen en Willem Schaap, dammers dy’t graach in aventoerlik spul opsette.
W.Schaap – M.Walinga, WK Harns 17-8-2024, tredde foar-omloop
1.31-26 20-25 2.37-31 14-20 3.32-27 17×37 4.41×32 16-21 5.26×17 12×41 6.46×37 11-16 7.37-31 8-12? 7-12 is de set 8.31-26, skerper is 8.33-2812-17 9.28×8 3×1210.42-37 7-11 11.39-33 8…3-8 7-11 liket better. 9.32-28 18-22 10.28×17 16×18 11.33-28 18-23 12.38-33 23×32 13.33×31 12-18 Swart hat in stove en stiet wif. 14.42-38 8-12 Wyt komt in hout foar, mar mei in wyld hout is soks noch net samar wûn.
15.34-30 25×34 16.44×24 20×29 17.38-33 29×38 18.48×17 7×27 19.26×28 19…19-24 20.50-44 9-14 Wyt set skerp troch 21.28-22! 15-20 22.39-34 13-19 23.34-30 2-8 24.31-26 4-9 25.43-39 9-13 26.39-34 1-7 Fansels net 21-16 om 8-12 en swart hat noch de driging 20-25 27.49-43 7-11 28.26-21 11×31 29.36×27 6-11 30.30-25?? om 24-30! 30.27-21! 11×31
31.47-41? Wyt rekkene op 31. …31-36 32.22-17 36×47 33.30-25 47×7 34.25×1 en wint. Mar komt raar op ‘e kofje. 31. ..31-37! 32.41×32 24-29!! 33.34×12 19-24 34.30×19 20×49 Wyt kin ek nei de daam, mar strykt ferkeard. 35.12-7?
35. ..14-19 36.7-1 (Wat oars?) 19-23 37.1×34 10-14 38.34×4 5×3 en it is gau dien. 35. …49-16? Swart mist dizze kâns. 36.7-1 10-15 3744-39 16-27 38.1-6 27-4 39.39-3 4-10 39…15-20 40.34-30 14-19 41.30×10 4×15 hie noch wat tsjinspul jûn. Mar no makket Schaap wol dien wurk. 40.34-2910×50 41.29-24 14×34 42.35×33 50×28 43.6×39
Problemen foar de ledderwedstriid mei twa nijen fan Stellinga-Baron.
Nû.13 sw. 7, 11, 13, 14, 20, 21, 24, 26 wyt 22, 32, 34, 38, 41, 44, 48, 49
Nû.14 sw. 3, 7-9, 19, 20, 25, 30 wyt 17, 21, 22, 28, 32, 33, 38, 43
Nû. 15 sw. 2, 9, 11, 12, 20, 24, 25, 35 wyt 22, 23, 37, 38, 40, 44, 45, 49
Nû. 16 sw. 2, 11, 13-15, 17, 19, 21 wyt 30, 31, 33, 34, 44, 46, 48, 49
Oplossingen stjoere foar 17 jannewaris.
Folkert Groenveld
Riperwei 6
8623 XH Jutryp
groenveldf@hotmail.com
De Stadige Strikers kinne it mei ien spiler tefolle lang net hâlde tsjin it sterke Hartwert.
De dammers fan damklup de Stadige Strikers hienen op de lêste moandeitejûn fan it jier foar sa’n lyts tritich dammers buorden klearsetten, want it grutte Hartwert kaam nei Skearnegoutum ta om de jierlikse striid tsjin de pleatslike damklup oan te gean. No foel dat tal fan Hartwerters aardich ôf: Der wie eins ien te min wêrtroch ien fan de Strikers gjin tsjinstanner hie. Dat wie spitich.
Wol opfallend wie dat der in hagelnije kampioen oanwêzich wie: Hein de Vries. Hy wie de middeis yn Harns Nederlânsk Kampioen Frysk wurden. En sa’n titel liicht der net om. Hy wie in hânfol oare oanwêzige dammersyn Harns de baas. En hy wie noch lang net útdamme en siet yn de winning mood. Dat jilde net allinne foar Hein, mar ek foar de measte gasten. De einstân wie dan ek: 3½ – 6½.
Persoanlikje útslaggen. 1 Jelle Wiersma – Tsjerk Wiersma 1 – 0; 2 Dicky van der Meer – Taeke Kooistra 0 – 1; 3 Willem Schaap – Hein de Vries 0 – 1; 4 Sjoerd Jan Bakker – Sjoerd Teake Kooistra 1 – 0; 5 Ype Boelens – Hidde de Vries 0 – 1; 6 Bauke Dykstra – Ids Boersma 1 – 0; 7 Bauke Bos – Klaas Wiersma ½ – ½; 8 Tineke Teigeler – Anne de Boer 0 – 1; 9 Kees Castelein – Herman Terwisscha van Scheltinga 0 -1; 10 Hennie de Haan – Piet Sikma 0 – 1. Einútslach: De Stadige Strikers – Hartert eo 3½ – 6½.
(C. Kooistra)
8ste NK FRYSK! te Harns wûn troch Hein de Vries (Ljouwert)
Nei sân spannende omlopen wist Hein de Vries fan Ljouwert foar it earst yn syn karriêre de titel Nederlânsk Kampioen FRYSK! op syn namme te skriuwen.
De earste set waard ferrjochte troch wethâlder Hendrik Sijtsma, dy’t de oanwêzigen yn it sin brocht dat Harns al sûnt 1234 stedsrjochten hat en in wichtich plak ynnimt yn de histoaryske havenstêden oan de Noardsee. Hy sei der grutsk op te wêzen, dat it Frysk Damjen wer op topnivo spile wurdt yn syn gemeente. Hy winske alle spilers in soad sukses en hope op in bloeiende takomst foar dizze moaie wedstriidsport, yn Harns en fier dêrbûten.
Dy winsk waard by it toernoai al ferfolle, want it fjild bestie út 18 dielnimmers, wêrfan 9 Fryske dammers fan hûs út, en mar leafst 9 mear of minder nije spilers. Twa fan harren kamen út it bûtenlân: Patrick Casaril (België) en mearfâldich wrâldkampioen diagonaal damjen Aleksander Sjvartsman.
De winner fan it toernoai wie nei sân omlopen Hein de Vries. De Vries heart al jierren ta de top fan it Frysk damjen, mar kaam yn de earste trije omlopen net fierder as 1½ (mei ûnder oare in nederlaach tsjin subtopper Siebren Dijk en kamp tsjin de jeugdspiler Porter Richardson), mar wist dêrnei alles te winnen, ynklusyf de lêste partij tsjin mearfâldich wrâldkampioen FRYSK! Jelle Wiersma fan Wommels.
Benammen yn de earste helte fan it toernoai wiene der de nedige ferrassingen. Sa moast trijefâldich wrâldkampioen Frysk Damjen Marten Walinga yn it sân bite tsjin Patrick Casaril en debutant Cornelis Alderliesten (Putten). Benammen de lêste hat noch net sa’n soad wedstriidûnderfining yn it Fryske spul en kaam by einsluten op in hiel fertsjinstlik dield 10de plak út mei 3½ punt.
De kamp fan Porter Richardson tsjin Hein de Vries yn de earste omloop is al neamd. Ek yn de rest fan it toernoai spile de jonge Richardson (dy’t mei syn jongere broer Parker en syn heit Menno Kamminga hielendal út it Súdhollânske Monster kaam wie), mei oerwinningen op Willem Hoekstra en Patrick Casaril, en kamp tsjin Jelle Wiersma, Tsjerk Wijbenga en Willem Schaap. Fan de tredde omloop ôf siet er hieltiten by de heechste spilers, en yn de lêste omloop wist er troch in oerwinning op Siebren Dijk de (dielde) twadde plak yn de wacht te slepen. In grutte prestaasje!
Einstan:
ChampionHein de Vries5½ points
2-3Porter Richardson, Tsjerk Wijbenga5 points
4-5Jelle Wiersma, Willem Hoekstra4½ points
6-9Willem Schaap, Ties Slagter, Marten Walinga, Aleksander Sjvartsman4 points
10-12Siebren Dijk, Auke Zijlstra, Cornelis Alderliesten3½ points
13Patrick Casaril3 pionts
14-15Liuwe Westra, Menno Kamminga2½ points
16-17Parker Richardson, Herbert Tulleken1½ points
18Niek Tolsma1 point
Mear ynformaasje: Liuwe Westra, liuwe.westra@mensa.nl, 06 -30837586 Marten Walinga, martenwalinga@hotmail.com, 06 -34561133
Frysk Damjen no ek spile yn Ierlân
Moarn, moandei 30 desimber 2024, fynt foar de achtste kear it Nederlânsk Kampioenskip FRYSK! plak yn Harns, op Tallship Atlantis, efter restaurant it Havenmantsje.
FRYSK! is de ynstap-fariant fan it alâlde Frysk Damjen, ien fan de meast komplekse tinksporten fan de wrâld. FRYSK! is ûntwikkele mei stipe fan de provinsje Fryslân om it Frysk Damjen tagonklik te meitsjen foar nije spilers. Mei FRYSK! wurdt der spile mei mar 5 skiven de spiler. De iepeningsteory wurdt sa oerslein, en itselde jildt foar it yngewikkelde middenspul. Likegoed hâldt it einspul dat oerbliuwt noch altyd it folsleine raffinemint fan it Frysk Damjen.
It 9de NK FRYSK! is wer in iepen toernoai, wat betsjut dat elkenien meidwaan kin, mar dat allinnich spilers yn it besit fan de Nederlânske nasjonaliteit de titel ‘Nederlânsk Kampioen FRYSK!’ winne kinne.
De Nederlânsk Kampioen FRYSK! is automatysk kwalifisearre foar it 8ste Wrâldkampioenskip FRYSK!, te hâlden op snein 23 febrewaris 2025 yn Frjentsjer.
De Nederlânsk kampioen sil him dan mjitte moatte mei ûnder oaren de Tsjechysk kampioen en de Italiaansk Kampioen. Yn Tsjechië en Italië wurdt de Fryske damsport al sûnt tsien jier omearme, en de lannen leverje sterke spilers.
Frysk Damjen wurdt dêrneist yn wedstrydferbân beoefene yn Ruslân en Wyt-Ruslân, en troch yndividuele spilers yn België, de Feriene Steaten, de Oekraïne, Kanada en de Dominikaanske Republyk.
Tige ynkoarten komt dêr Ierlân by. It Frysk damfjoer is dêr oanstutsen troch Paolo Faleo fan de feriening DamAosta (yn Val d ’Aoste, yn it uterste noardwesten fan Italië). Paolo Faleo is in earsten ambassadeur fan it Fryske damjen, dy’t it spul al op tal fan oare plakken yn Italië yntrodusearre hat.
In útwikseling mei de suksesfolle damklup fan it Ierske Carlow wie de oanlieding om it Frysk Damjen ek dêr te organisearjen. Yn augustus 2025 sil der dan ek foar it earst in offisjele wedstryd Frysk damjen yn Ierlân hâlden wurde, mei sawol Italiaanske as Ierske dielnimmers.
De komst fan Ierske spilers nei Fryslân is no noch in kwestje fan tiid!
Foar mear ynformaasje:
Liuwe Westra, 06 -30837586, liuwe.westra@mensa.nl
Marten Walinga, 06 -34561133, martenwalinga@hotmail.com
In jûn mei in fûle striid
Fannejûn wie der in gastdammer. Aldegeaster Rein Jan Walinga moast it opnimme tsjin Stadige Striker Bauke Bos foar de ferliezersronde fan de Fryslân Kup. Oer dizze partij aanst mear, mar de waarnimmend stikjeskriuwer hie troch syneigen partij eins gjin tiid om by de oare partijen te sjen, mar útspraken wiene der genôch sadat er wol in aardich byld krijekoe fan de oare spullen.
Willem Schaap joech Jan Castelein in kadootsje troch him gelyk in houtsje cadeau te jaan en fansels pakte Jan de rún der ôf, wêrtroch Willem it aardich dreech hie. Der waard al praat oer in linkmigelset (wierskynlik in nij wurdyn de damwrâld), mar dochs luts Willem oan it langste ein en troch in moaie daamslach wûn er de partij, Jelle Wiersma wûnsyn beide simultaanpartijen. Bauke Dijkstra ferseach him en Ype Boelens sloech ferkeard. Sjoerd Jan Bakker miende al dat it net goed kaam mei him tsjin Dicky van der Meer, mar al gaudie bliken dat dit wol mei foel want beide mannen makken gjin inkeld foutsje en sadwaande waard de partij kamp.
De langste partij wie dy fan de beide kupers, Bauke Bos en Rein Jan Walinga. Bauke like der wat better op te stean, mar Rein Jan struts hieltyd de goeie set en Bauke koe der dus neat mei en ek hy struts sa’t er dwaan moast en sadwaande waard de partij ek kamp. Omdat der dochs in útslach wêze moast, spilende mannen fiif tsjin fiif mei tsien minuten op ‘e klok en ek dit waard kamp. Doe noch mar in partij mar no mei in oare kleur. Bauke makken in foutsje yn de iepening en ferlear sa de partij, wêrmei Rein Jan troch giet nei de folgjende ronde fan de kup.
Utslaggen: Dicky van der Meer- Sjoerd Jan Bakker ½-½; Ype Boelens- Jelle Wiersma 0-1; Jelle Wiersma-Bauke Dijkstra 1-0; Jan Castelein-Willem Schaap 0-1; Fryslân Kup: Rein Jan Walinga-Bauke Bos ½-½, ½-½, 1-0
(B. BOS)
Dochs wat mear dammers op sneontemiddei as op freedtejûn ferline jier.
It is fansels tsjintwurdich in toer om op inpriisdammerij in respektabel oantal dammers efter de buorden te krijen. De Staduge Strikersfan Skearnegoutum dienen it dit jier wat oars en organisearren in stryk-ta partij op sneontemiddei.En hawar der wienen yn elts gefal op dizze middei mear dammers as op in freedtejûn. Tweintich dammers yn totaal.
De earste oanwêzigen kamen fan fier. Malche Schulz út Hamburg en Ties Slachter út Den Bosch. Dêrnei rûgelen de dammers sa’n bytsje dripsgewiis It Swettehûs yn. Der waard op in tige fredige en sportive wize spile. Om fuort 1 oere iepene de foarsitter it toernoai troch der op te wizen dat it “event”sponsere waard troch twa Stadige Strikers: Jelle Wiersma mei Wiersma Adm. en Fisc. dienstverlening en Dicky van der Meer mei Meer personeelsdiensten.
Doe gie de wedstriid al gau los en dat gie de hiele middei as it slydjage. Foar as jo it wisten waard der al oan de tredde en lêste omloop begûn. Ek yn dat lêste treffen waard it dúdlik dat de dammers it hiel moai dien hienen en dat de útslaggen sûnder grutte berekkeningen ta it einresultaat laat hienen.
Utslaggen: Eareklasse I: 1 Folkert Groenveld 2 Taeke Kooistra. EK II: 1 Hein de Vries 2 Willem Schaap. EK III: 1 Hidde de Vries 2 Liuwe Westra. Haadklsse B: 1 Bauke Dykstra 2 Willem Hoekstra. Twadde klasse 1 Tineke Teigeler 2 Bauke Bos.
(C. KOOISTRA)
Rubryk 20-12-2024
De Fryslân Kup stiet dit jier foar de njoggende kear op it aljemint. Damklup ‘De Skyfkes’ fan Blauhús hat de organisaasje. It ‘knock-out’ toernooi is de earste twa kear wûn troch Jelle Wiersma, doe twa kear Siebe Walinga en Taeke Kooistra brocht de Kup de lêste fjouwer jier nei Hartwert. De lotting fan de earste omloop mocht hy sels dwaan: in thúswedstriid tsjin Folkert Groenveld.
T.Kooistra – F.Groenveld, 3-12-2024, Hartwert, earste omloop Fryslân Kup 1.31-26 20-25 2.37-31 14-20 3.32-27 17*37 4.41*32 11-17 5.47-41 7-11 6.32-27 17*37 7.41*32 11-17 8.35-30! 8.33-28 1-7? 34-30, x24, x11, x6
8. …9-14? om 34-29, 33-29, x27 8. …18-23? om 30-24 (x30), 33-29, 34-30, x47 en ek net goed 8. ..1-7 40-35, x24 (x23), 32-28, x11, x16 (12-7), 38-32 mei better spul foar wyt. Goed is 8. …17-21 9.26×17 12×41 10.36×47 en bygelyks 10. …2-7 11.32-27 19-24! 12.34×23 25×21 8. …19-24 9.30*19 13*24 10.34*14 15*13 11.40-34 20-24 12.34*14 10*19 13.45-40 17-21 14.26*17 12*41 15.36*47 19-24 Ôfruilje troch 16.40-35 25×45 17.44-40 45×34 18.39×17 16×18 kin like goed. 16.32-27 24-30 17.40*20 25*14 18.44-40 14-20 19.46-41 13-19 40-35 is better en swart wol daalk oerdwers ôfruilje. 20.33-28 20-25 driget 18-23 en 23-29.
Ôfruilje troch 21.28-22 en 27-21 kin net om 21. …2-7 mei in daam foar swart. It bêste is 21.50-45, mar wyt nimt de ôfruil 21.38-32 18*38 22.39*37 25-30 23.40*18 8*26 mei in mindere stân. 24.43-39 9-14 25.49-43 14-20 26.39-34 2-7 27.32-28 20-24 Swart kin skerper 27. …16-21 28.28-23 (ferpl.) 3-9 28.34*14 4*24 29.50-45 16-21 30.37-32 30.41-36?! Mei de plakker 37-31 kin net. En wer is skerper foar swart 30. ..26-31 31.28-22(ferpl.) 21×23 32.41×21 5-10 30. ..24-30 31.28-23 7-11 32.41-37 driget 32-37 32. …11-16? Swart is it foardiel kwyt. 32. …1-7 wie de set. 33.42-38 21-27 34.32*21 26*17 35.43-39 17-21 36.39-34 30*39 37.38*40 21-27 38.37*17 16*29 39.40-35 5-10 40.35-30 10-14 41.30*28 14-19 en op nei it einspul.
Fan wjerskanten is der noch mar krap tinktiid. 42.45-40 3-9 43.47-42 6-11 43. …19-24 liket better. 44.42-38 11-16 45.38-33 16-21 45.28-23 wurdt kamp. 46.33-29 19*39 47.40*38 9-13 48.38-33 13-19 49.48-43 21-26 50.43-39 19-24 En ‘drave nei de daam’. 51.28-22 26-31 52.22-18 31-37 53.18-13 37-41 54.13-9 41-46 55.9-4?? 46-37. Daalk winst en de Kup-hâlder is út it toernooi. Nei 55.9-3 46-41 (56.3-25? 41-47) 56.3-12 24-30 57.33-29 30×28 58.12-26 28-33 59.39×28 41×19 as 58. …28-32 59.26-37 is it kamp en wurdt it ‘pingel-sjitten’ mei FRYSK!; fiif tsjin fiif einspul.
Fan Ties Slagter en Stellinga-Baron
Nû.13 sw. 7, 11, 13, 14, 20, 21, 24, 26 wyt 22, 32, 34, 38, 41, 44, 48, 49
Nû.14 sw. 3, 7-9, 19, 20, 25, 30 wyt 17, 21, 22, 28, 32, 33, 38, 43
Oplossingen noch net stjoere.
Folkert Groenveld
Riperwei 6
8623 XH Jutryp
groenveldf@hotmail.com
Damtoernoai 4-1-2025 te Hartwert
Damklup Hartwert e.o. organisearet op 4 jannewaris 2025 hun jierlikse nijjier damtoernoai. Sa as gewoanlik wurd der yn Hartwert in âlderwetske partij spile: oardel oere op’e klok.
It toernoai begjint om 10:00 oere yn “It Terphûs” te Hartwert. Opjaan by Sjoerd Kooistra (foar sneon 4 jannewaris, 9 oere) fia e-mail: damclubhartwert@live.nl
Krekt as oare jierren wurd der wer soarge foar moaie prizen. Yn eltse groep binne der twa prizen.
Oant sjen op 4 jannewaris!
Damklup Hartwert e.o
De beide froulju parte it punt: kamp
Dizze jûn waarden der allinne mar kompetysje partijen ferspile. En dêr wie ek genôch oan te belibjen. Net allinne foar de betreffende spilers, mar ek foar dyjingen dy’t it noch sa’n bytsje folgen. Ien ding wie yn elts gefal wol wer aardich: de beide froulju spilen yn in ûnderling treffen kamp.
De partij tusken Willem Schaap en Sjoerd Jan Bakker like ek wol sa’n bytsje op kamp út te draaien. Dochs tocht Schaap dêr oars oer en soarge der foar dat er fan in gelikense stân yn besetting sa mar ynienen twa houtsjes foar stûn. Dy twa houtsjes foar koe er dêrnei moai brûke om Bakker syn ienige pronkje, in moaie swarte daam te eliminearjen.
Hoe’t dy Dicky van der Meer sa mar in daam krige tsjin Bauke Dykstra is de stikjesskriuwer ûntgien. Mar ynienen stie dy wite daam dêr te glimmen mei in hâlding fan: Wa docht my wat. Bauke Dykstra mei in fracht oan damûnderfining hie net in antwurd op dy daam. Sa koe Dicky bliuwend druk hâlde op it spul fan syn tsjinstanner. Bauke hie ek wol yn de gaten dat der foar him gjin salve mear oan te striken wie. Hy seach it noch in hiel skoft oan, tsjin better witten yn en joech doe de hân.
De lêste tiid is it meastal sa dat Hennie de Haan yn it gefjocht tsjin Tineke Teigeler de ûnderlizzende partij is. Al in pear wedstriden sloech Tineke dan foar master op. Moandeitejûn gyng it oars. It spul bleau aardich yn lykwiccht en it bleau yn lykwicht. It wie wol te sjen wa’t dêr it measte fan geniete. Dat wie de âldste fan de twa. Dat seit in net ynwijde lêzer fan de stikjes fan de Stadige Strikers fansels net folle, mar dat wie Hennie.
Utslaggen: Ype Boelens – Bauke Bos 1 – 0: Willem Schaap – Sjoerd Jan Bakker 1 – 0; Dicky van der Meer – Bauke Dykstra 1 – 0; Tineke Teigeler – Hennie de Haan ½ – ½; Jan Castelein – Cor Kooistra 0 – 1.
(C. KOOISTRA)
Stryk – ta damtoernoai Frysk spul
Op sneontemiddei 21 desimber yn it Swettehûs te Skearnegoutum oanfang 1 oere (13.00)
Prizen: hearlike oranjekoeken
De partij wurdt sponsere troch Jelle Wiersma: Wiersma Adm. en Fisc. dienstverlening en Dicky van der Meer: Meer personeelsdiensten.
30 minuten en 10 sekonden de set op ’e klok kom allegearre ek net leden!!!
Opjaan: Ype Boelens Til:0518 451795 of eamel: twilling@kpnplanet.nl
Op freedtejûn 20 – 12 tusken 19.00 en 21.30
Bestjoer “De Stadige Strikers”
