 |
 |
 |
 |
 |
 |
5e NK FRYSK! – Jelle Wiersma kampioen en entree van een verrassende debutant
Juster is de Wommelser Jelle Wiersma mei oermacht Nederlânsk Kampioen FRYSK! wurden. FRYSK! is Frysk Damjen, mar dan mei fiif skiven de spiler. Dizze fariant is spesjaal ûntwurpen, mei stipe fan de Provinsje Fryslân, om de drompel foar it tige komplekse Frysk Damjen, de iennichste autochtoane tinksport fan Nederlân, te ferleegjen.
Yn it toernoai op Tresoar moasten de 15 dielnimmers allegear seis omlopen spylje. Wiersma wie de iennichste, dy’t alle seis wûn. Op it twadde plak kaam Teake Kooistra út Hartwert, mei 4,5 punt. Kooistra en Wiersma hearre beide by de absolute top fan it Frysk Damjen.
Ferrassend wie it risseltaat fan debutant Siep Buurke út Eelde. Hy damt en skaakt al syn libben lang en wie wol bekend mei de Fryske regels, mar hie noch net earder in partij spile, lit stean in toernoai. Syn 3 punten, goed foar in 7de plak, binne it bêste bewiis dat de nije fariant FRYSK! it skitterjende Fryske damspul tagonklik meitsje kin foar in grutte groep tinksporters. De organisaasje hopet dan ek, dat in protte oare dammers en skakers syn foarbyld folgje sille!
Jelle Wiersma is no de tredde dy’t him pleatst hat foar it WK FRYSK! op 8 maart 2020 te Frjentsjer. De beide oaren binne de jonge Andrea Peirano út Aosta, Italiaansk Kampioen
FRSYK! en Petra Dušková út Praach, Tsjechysk Kampioen FRYSK! Ien kandidaat kin him noch pleatse fia in ynternet-toernoai op 19 jannewaris 2020, en dan binne der noch 12 plakken dy’t inkeld fertsjinne wurde kinne yn ’e wike fan it Fryslân Open yn Frjentsjer, fan 3 oant en mei 7 maart 2020.
Hjirûnder de einstân. Foar mear ynformaasje: Liuwe Westra (06-30837586) / Marten Walinga (06-34561133)
Omrop Fryslân Tillevysje bestege ek noch omtinken oan it kampioenskip yn it nijs: sjoch https://www.omropfryslan.nl/nijs/928317-dammers-stride-om-nederlansk-kampioenskip-frysk
Foto: rjochtefrij te brûken mei fermelding Marten Walinga / Stifting WFD
Sieb Buurke (l) yn petear mei Jelle Wiersma
útslaggen begjinners, pupillen, jeugd
Utslaggen earste foaromloop begjinners, pupillen en jeugd freed 28 desimber te Blauhús
begjinners: Freark Smink (Baaium), Wytse Breeuwsma (Wommels), Ids Delea (Wommels), Jaring Jan Postma (Waaksens), Mirte Hannema (Blauhús)
pupillen: Wytse Wiegersma (De Gaastmer), Brecht Frankena (Blauhús), Neeltsje Ykema (De Gaastmer), Nieke Ykema (Blauhús), Brecht Ykema (Blauhús), Watze Anne Postma (Waaksens), Janke Delea (Wommels), Jorrit Frankena (Blauhús), Teije Stor (Boalsert), Mette Jorritsma (Blauhús)
NB: Mette Jorritsma koe der net by wêze, en sil har wedstriden ynhelje.
jeugd: Rinze Zeilstra (De Gaastmer), Wiebren Ykema (De Gaastmer), Wytze Zeinstra (Blauhús), Rauke de Hoop (De Gaastmer), Eelco de Wolff (Blauhús), Harmen Jacob Postma (Waaksens)
begjinners:
earste omloop: Wytse – Jaring Jan: 1-0; Ids – Mirte: 1-0
twadde omloop: Jaring Jan – Ids: 0-1; Freark – Wytse: 0-1
tredde omloop: Ids – Freark: 1-0; Mirte – Jaring Jan: 1-0
fjirde omloop: Freark – Mirte: 0-1; Wytse – Ids: 1-0
fyfde omloop: Mirte – Wytse: 1-0; Jaring Jan – Freark: 0-1
tuskenstân: Wytse, Ids en Mirte: 4 punten; Freark: 2 punten; Jaring Jan: 1 punt
pupillen:
earste omloop: Brecht F – Teije: 0-1; Neeltsje – Jorrit: 0-1; Nieke – Janke: 1-0; Brecht Y – Watze Anne: 0-1
twadde omloop: Janke – Brecht Y: kamp; Jorrit – Nieke: 1-0; Teije – Neeltsje: kamp; Wytse – Brecht F: 1-0
tredde omloop: Neeltsje – Wytse: 1-0; Nieke – Teije: 0-1; Brecht Y – Jorrit: 0-1; Watze Anne – Janke: 1-0
fjirde omloop: Jorrit – Watze Anne: 0-1; Teije – Brecht Y: 1-0; Wytse – Nieke: 1-0; Brecht F – Neeltsje: 0-1
tuskenstân (NB: Wytse, Watze Anne, Brecht Frankena en Janke hawwe ien wedstryd minder spile omdat Mette Jorritsma net koe)
Watze Anne en Jorrit: 3 punten
Teije: 2,5 punt
Wytse: 2 punten
Neeltsje en Brecht Ykema: 1,5 punt
Brecht Frankena en Nieke: 1 punt
Janke: 0,5 punt
jeugd:
earste omloop: Rinze – Wiebren: 0-1; Harmen Jacob – Eelco: 1-0; Wytze – Rauke: 1-0
twadde omloop: Wiebren – Rauke: 1-0; Eelco – Wytze: 0-1; Rinze – Harmen Jacob: 0-1
tredde omloop: Harmen Jacob – Wiebren: 1-0; Wytze – Rinze: 1-0; Rauke – Eelco: 0-1
tuskenstân: Wytze en Harmen Jacob: 3 punten; Wiebren: 2 punten; Eelco: 1 punt; Rauke en Rinze: 0 punten
De folgjende foaromloop is op sneon 18 jannewaris 2020, de middeis om 13.30 oere yn it doarpshûs fan ’e Gaastmar.
Troch sleauwichheden ferlieze yn de heechste klasse.
It wie hast net te leauwen, dat der twa man troch enoarme sleauwichheden harren partijen út hannen jûgen. Men kin jin ôffreegje hoe’t it dochs mooglik is dat guom goeie dammers dan dochs sa mar in slach, dy’t in bern sjocht, oer de kop sjen kin De beide tsjinstanners fan respektifelik Jelle Wiersma en Dicky van der Meer oerkaam sokis. Net te leauwen as men it sjen soe.
Gelokkich is der ek posityf nijs fan de lêste kompetysjejûn fan dit jier te melden. Sa jûch Jan Castelein, noch mar in skoftke op de klup, Sjoerd Huitema goed partij. Fansels wûn Sjoerd, dat koe hast net oars, mar likegoed gienen de positive opmerkingen ek rjochting Jan.
Tineke Teigeler begjint hieltiten better te damjen. Op it damtoernoai wûn se de earste priis yn har klasse en yn novimber reage se Bauke Bos fan it boerd. Moandei moast se it wer tsjin Bos opnimme. En it wie te sjen dat se der sin oan hie. Bauke wie fansels warskôge en besocht goed by de partij te bliuwen. Spitich wie dat Tineke yn har entûsjasme in ferkearde streek die en dêrtroch in houtsje achter rekke. Mooglik kaam it omdat se oan deselde tafel siet wêroan’t de blunderaars út de heechste klasse ek sieten. Wa sil it sizze. Foar Bauke Bos krige de partij dêrnei in hiel oar oansicht en benammen net dreger. Hy makke dêrnei gau dien wurk.
Men seit wol ris: wyt begjint en swart wint. Sa waard dit sechje dizze jûn wer ris wier. In protte dammers ha leaver swart as wyt. Mei swart kinne se alle kearen en foaral yn it begjin antwurd jaan op de setten fan wyt. Se bepale foar in part de teory fan de partij. Foar oaren makket it net úy hokker kleur se ha. Dat binne de echten sille wy mar rekkenje. Nije wike binne wy te gast yn Hartwert en dêr hat elk sin oan.
Utslaggen: Cor Kooistra – Jelle Wiersma 0 – 1; Willem Schaap – Dicky van der Meer 0 – 1; Tineke Teigeler – Bauke Bos 0 – 1; Ype Boelens – Bauke Dykstra 0 – 1; Jan Castelein – Sjoerd Huitema 0 – 1.
(Tekst: Cor Kooistra)
Damdei 4 jannewaris yn Hartwert
Op 4 jannewaris om 10:00 oere is der wer in damdei yn Hartwert. Sa as gewoanlik oardel oere op ‘e klok yn ús doarpshús “It Terpshûs”.
Krekt as oare jierren wurd der wer soarge foar moaie prizen.
Opjaan by Sjoerd Kooistra (foar sneon 4 jannewaris, 9 oere): fia e-mail damclubhartwert@live.nl as 06 -17 31 67 08.
Oant sjen op 4 jannewaris!
It bestjoer fan Damklup Hartwert e.o
Rubryk 27-12-2019
Yn de lêste rubryk fan 2019 sawn miniatuerkes fan Roel Bergsma. Folle wille mei it oplossen en in goed 2020 tawinske.
Nr. 1
Nr. 2
Nr. 3
Nr. 4
Nr. 5
Nr. 6
Nr. 7
Oplossingen foar 10 jannewaris nei
Folkert Groenveld
Riperwei 6
8623 XH Jutryp
groenveldf@hotmail.com
Priisdamjen: 18 dammers op papier en 16 achter de buorden.
Skearnegoutum. Op freedtejûn 20 desimber hold damklup De Stadige Strikers harren priisdamjen. In wedstriid wêr’t wolris mear dammers oan meidien hawwe. Mar hawar! Der is op in sportive wize sport bedreaun. Tinksport wol te ferstean. Fan de achttjin papieren dammers rekke der ien in dei fan tefoaren siik, dy moast dus ôfsizze. Doe wienen der 17 oer. Dat is in raar getal. Dêrom spile diskear in bestjoerslid net mei lykas ferline jier doe’t der ek in ûneven oantal dammers opdraven kaam. Ponghâlder Ype Boelens offere him no op.
Jelle Wiersma, de Frysk kampioen, liet ek sjen dat er op it mêd fan stryk-ta de sterkste wie yn de Eareklasse. Hy wûn alle trije partijen. It lot hie it sa útmakke, dat er allinne klupleden as tsjinstanner hie. Yn de oare groep fan de eareklasse siet noch in Aldegeaster en in Hartwerter. Tsjin harren hoegde Jelle it net op te nimmen. It wie it lot!
Yn de haadklasse A mei in Blauhúster, twa Jorwerters en in Hartwerter yn de gelederen blieken de Blauhúster en de man fan de Harterter klup it bêste út de bus te kommen. Marcel Altena fan de Skyfkes ferdigene de klupkleuren mei glâns: Twa kear winst en ien kamp. Klaas Wiersma fersloech de beide Jorwerters en gong mei de twadde priis nei hûs.
Beke Haanstra út Aldegea sloech feninich ta yn de earste klasse. Hy wûn alle trije partijen. As twadde einige Jan Nauta út Bitgumermole dy’t allinne belies jaan moast tsjin de priiswinner. Tineke Teigeler út Sibrandabuorren liet sjen dat froulju ek wol damje kinne: De winner yn de twadde klasse foar Minne Posthuma út Aldegea.
Folsleine útslach: Eareklasse groep 1: 1 Jelle Wiersma, Wommels. 2 Bauke Dykstra de Tynje. Groep 2: 1 Folkert Goenveld, De Jutryp. 2 Tsjerk Wybenga, Arum. Haadklasse A: 1 Marcel Altena, Blauhûs. 2 Klaas Wiersma, Nij Beets. Earste klasse: 1 Beke Haanstra, Aldegea. 2 Jan Nauta, Bitgumermole. Twadde klasse: 1 Tineke Teigeler, Sibrandabuorren. 2 Minne Posthuma, Aldegea.
(Tekst: Cor Kooistra)
Rubryk 20-12-2019
Nei de promoasje yn 1984 helle Willem Bakker yn 1985 syn 5-e titel. Dat die er hast om de tsien jier: 1947, 1957, 1964 en 1975. Taeke Kooistra siet yn 1986 yn de lêste omloop te Ferwert yn it einspul tsjin Bakker. Neiste konkurrint Stinus van der Goot hie al wûn fan Hiele Walinga en sa lyk mei Kooistra op 5 punten kaam. Dat Kooistra (swart), hie oan kamp genôch foar syn earste titel.
44.36-31 13-18? 45.48-43 (driget mei it heakje) en swart rint it op. 44….6-11 45.48-43 24-30 46.35×24 25×23 47.31-27 wint wyt. Dus 44. …13-19 45.31-27 6-11 46.48-43 11-16 47.39-33 19-23 48.33×13 24-30 49.35×24 25×3 en better spul foar wyt. Der folge. 44.48-43 13-19 45.36-31 24-29 46.39-34 29*40 47.35*44 6-11 25-30 is better. 48.31-27 25-30 49.44-39 15-20 50.39-33 20-2551.43-38 30-35 52.38-32 19-24 52. …11-16 53.32-28 19-24 54.27-22 16-21 55.22-18 24-29 56.33×24 25×32 sil kamp wurde. 53.27-22 24-30 54.32-28 11-16 55.22-18 30-34 56.18-12 24×23 57.12-8 23-29 58.8-3 lykswols. Bakker wol twa dammen helje. 56.28-23 34*32 57.23-19 32-38 58.19-14 38-43 59.14-10 43-48
60.10-5 48×8 61.45-40 35×44 62.5×2 is kamp 60.18-12? 48-34 61.12-8 25-30 62.45*25 34-45 63.25*34 45*5 wint.
En twa problemen fan Hiele Walinga
Nû.13 sw. 3, 5, 8, 12, 16, 17, 40 wyt 14, 24, 31, 41, 42, 47, 49
Nû.14 sw. 5, 7-9, 18-2036 wyt 16, 29, 33, 39, 41, 43-45
Oplossings noch net stjoere.
Folkert Groenveld
Riperwei 6
8623 XH Jutryp
groenveldf@hotmail.com
Persoanlike kampioenskippen 3e acht – 3e rûnte
Op moandei 16 desimber waarden yn it Joo yn Aldegea fjouwer partijen yn de tredde rûnte fan it persoanlike kampioenskip yn de tredde acht spile. Neist de dammers fan de tredde acht waard ek fûleindich damt foar de kompetysje fan Nocht&Kriich en spile Siebe Walinga tsjin Hein de Vries yn de twadde rûnte fan de Fryslân Kup.
Der barde dizze jûn fan alles op de damboerden. Sa kamen Johannes Hoekstra en Gosse de Vries der tige let efter dat it boerd ferkeard lei: de lange hoeke net oan de lofter kant, mar oan de rjochter kant fan it boerd. Mar hoe dan ek, se hiene in prachtige partij damt!
Yn it ein fan de partij koe Siebe mei syn daam in hout slaan, mar die dat net! Nee, hy die earst noch in oare set, Hein moast slaan en dêrnei koe Siebe in hiel soad hout slaan. Je sjoene hast tinke dat it opsetsin wie! Mar ja, as de tsjinstanner neat seit dan kin alles.
Yn de partij fan Ype Boelens tsjin Marcel Altena helle Ype op de 59e set in twadde dam en wie der einspul mei twa dammen tsjin in. Alle dammers witte dat je einspul yn 7 setten útmeitsje moatte. Nei 6 setten sei Ype dat Marcel syn dam gjin goed plak mear hie en dat wie ek sa. Mar troch in eigen daam te jaan en de daam fan Marcel te slaan kaam Ype út op 8 setten mei syn twa dammen. Neffens Ype mocht dat, want dat hie hy heard fan Jelle Wiersma, en dat is ‘net de earste de bêste’!
Piet Sikma spile in moaie partij tsjin Bernard Kroon mar kaam yn it 3 tsjin 3 einspûl ien set te koart en moast beliis jaan. Neffens Piet hie hy in de stân fan 5 tsjin 5 in bettere set dwaan kinnen, mar as dat ek winst west hie???
De beide koprinners, Liuwe Westra en Dicky van der Meer, spilen tsjin elkoar en brûkten yn in drêge partij yn it begjin in hiel soad tiid, mar mei tank oan it Fisher-systeem kamen se oan de ein fan de partij gjin tiid tekoart. It spul waard kamp.
De útslaggen fan de tredde acht:
Liuwe Westra – Dicky van der Meer 0.5-0.5
Fedde Wiersma – Siebren Dyk 1-0
Ype Boelens – Marcel Altena 1-0
Piet Sikma – Bernard Kroon 0-1
Nei trije rûnten geane Dicky van der Meer, Liuwe Westra en Fedde Wiersma oan de lieding mei 2,5 punt.
Weryntrêder Jan de Jager fan de partij.
As de foarsitter Jan de Jager it boekje Oer Alles bringt, dan damme se altiten in potsje en strike noch in pear spultsjes fiif tsjin fiif. Dan docht bliken dat er noch goed yn de gaten hat, hoe’t it spultsje Frysk Spul yninoar stekt. Meastal seit er dan ek: “Ik soe ek wol ris wer op de klup sjen wolle!” Dat sei er ferline wike ek. Doe is it regele. Bauke Bos woe him wol oppikke. Sa kinne wy wol stelle dat wy wer in weryntrêder op de klup ha.
Hy waard ek fuort oan it wurk setten: damme tsjin syn sjauffeur Bauke Bos. Dat soe fêst in moaie partij wurde, want De Jager hat altiten in taaie rakkert west. No die dochs bliken dat er noch wat wenne moast, want hy ferseach him en rekke in houtsje achter. Syn oppenint stûn as in hûs. De Jager hat it noch wakker besocht, mar Bos joech gjin krimp. Sa koe De Jager syn come-back gjin ekstra glâns jaan troch in moaie winst, mar dy winstpunten sille seker komme as er troch giet. Hy is de jongste net mear. It nijste is der ôf, mar it is wol fantastysk dat sa’n man mei twa achten op ’e rêch it noch oandoard.
De meast wûnderlike partij spilen Jelle Wiersma en Willem Schaap. Beide mannen spylje ek wol gauris tsjin elkoar op de damapp. No dus út echt achter in houten boerd. Dêr skrokken se miskien wol in bytsje fan en rekken se wat fan harren apropos. Willem helle yn it middenspul sa mar in prachtich damke. Dy daam bleau ek in hiele hoart stean. Beide mannen wienen it der oer iens dat der geweldige lopen en streken yn sieten. Hoewol’t dy daam prachtich stûn, rekke Willem dy wolf wol kwyt. En doe ynienen liken de winstkânsen foaral op Jelle ôf te kommen. Hy kaam ek noch in houtsje foar. Gewoanwei is it dan oer mei de keapman. Mar keapman Schaap breide der noch moaie streekjes en faltsjes yn. Dêr hie er ek noch gelok mei, want Jelle tûmele der yn.
Utslaggen: Tineke Teigeler – Hennie de Haan ½ – ½; Bauke Bos – Jan de Jager 1 – 0; Sjoerd Jan Bakker – Sjoerd Huitema ½ – 1; Willem Schaap – Jelle Wiersma 1 – 0; Fryslân Kup: Cor Kooistra – Bauke Dykstra 1 – 0.
(Tekst: Cor Kooistra)
Moaie striid tusken betûfte Hennie en nijeling Kees.
Moandeitejûn ferrûn net oars as oare damjûnen. Ek dizze reis soarge wer foar ferrassing en spanning. Spanning siet der foaral yn de partij tusken Hennie de Haan en Kees Castelein. Beide hienen kânsen en it gong der om wa’t mei de winnende set komme soe. Al mei al makken âld en jong der in moaie striid fan.
Op in bepaald stuit luts Hennie suver wat wyt wie. Se seach dat as Kees noch krekt even skerper spile hie, sy de beppekelder yn kneppele wie. Krekt even skerper en hy spile al sa merakelst goed. Hy joech de hiele tiid prima partij. Hennie murk in pear kear op: “Kees wat kinsto goed damje!” Miskien is Kees dêrtroch wat yn in wintastân rekke en krekt wat minder begûn is te striken. Hy sei noch wol: “Ik moat it earst mar ris wûn ha, dan kin ik sizze dat ik goed spile ha” Dat wienen wiere wurden fansels. Hennie ûntkaam oan de deadlike oanfal en waard suver wat better kwa stân, mar de winst soe nei alle gedachten wol nei Kees gean. De stikjeskriuwer hold it mei spanning yn de gaten. Kees krige in daam en dat binne soms foar begjinnende dammers eins mar akelsma’s. Mei in achterstreek fan Kees koe Hennie wer in eintsje fierder rjochting daamline gean. Sa werhelle him dat noch in kear en sy kuiere moai nei de daam. Doe seach it der wol wat út nei kamp, mar tsjin twa dammen hie Kees mei syn iene daam gjin kâns mear. Spitich foar him, in moaie partij, mar gjin punten.
Utslaggen: Hennie de Haan – Kees Castelein 1 – 0; Cor Kooistra – Willem Schaap 1 – 0; Willem Schaap – Jan Castelein 1 – 0; Ype Boelens – Jelle Wiersma 0 – 1; Bauke Bos – Sjoerd Jan Bakker 0 – 1; Sjoerd Huitema – Bauke Dykstra 0 – 1.
(Tekst: Cor Kooistra)
